Er du interessert i å styrkje kompetansen din innan prosjektarbeid? Grunnleggjande prosjektleiing er eit enkeltemne på 15 studiepoeng med oppstart hausten 2026. Emnet gir praktisk og oppdatert kunnskap om planlegging og gjennomføring av prosjekt, prosjektverktøy og styringsmetodar, krav og kvalitet i prosjektarbeid samt verdiskaping i organisasjonar. Studiet er nett og samlingsbasert, tilrettelagt for deg som bur i Ryfylke.
Grunnleggande prosjektleiing er ei fagskuleutdanning som blir tilbydd i samarbeid mellom Fagskolen Rogaland og Ryfylke utdanningssenter, i tett dialog med regionalt næringsliv. Utdanninga er etablert for å møte eit aukande behov for kompetanse i prosjektleiing i både privat og offentleg sektor.
Ønskjer du å styrkja kompetansen din innan prosjektarbeid?
Hausten 2026 kan du ta enkeltemnet Grunnleggande prosjektleiing (15 studiepoeng) frå fagskuleutdanninga Prosjektleiing, kvalitetsstyring og HMS.
Studiet gir praktisk og oppdatert kunnskap om korleis ein planlegg, gjennomfører og følgjer opp prosjekt, uavhengig av bransje.
Studiet er ein del av satsinga på å tilby relevant og framtidsretta fagskuleutdanning regionalt i samarbeid med lokalt næringsliv.
I dette emnet får du kunnskap om:
Studiet er eit samarbeid mellom Fagskolen Rogaland og Ryfylke Utdanningssenter IKS.
Undervisninga er nett og samlingsbasert, og tilrettelagt for deg som bur i Ryfylke.
Studiet er tilpassa deg som ønskjer å kombinera utdanning med jobb og familieliv.
Opptak skjer gjennom Fagskolen Rogaland og krev:
relevant fagbrev eller vidaregåande opplæring
eller realkompetanse (relevant arbeidserfaring)
Les meir her: Informasjon om opptakskrav – Fagskolen Rogaland
Du skal:
Studiepoeng: 15
Startdato: Haust 2026
Studieomfang: Studiet er lagt opp slik at det kan kombinerast med jobb.
Undervisningsstad: Samlingsbasert i Ryfylke. I tillegg blir det nettundervisning ein kveld i veka.
Studentavgift: Ingen
Søknadsfrist: 1. juni 2026
Studiet blir tilbydd av Fagskolen Rogaland, med Ryfylke utdanningssenter og lokal næring som lokal tilretteleggjar og samarbeidspartnar.
Prosjektleiing handlar om å planleggja, organisera og gjennomføra prosjekt på ein strukturert måte, og er dermed eit viktig verktøy i utviklinga av verksemder og organisasjonar. Endringstakten er høg i både offentleg sektor og næringsliv. Auka kompetanse innan prosjektleiing vil bidra til at verksemder står sterkare i møte med framtidas utfordringar.
Grunnleggande prosjektleiing er første emne i eit større studium på totalt 60 studiepoeng. Dersom du ønskjer å studera vidare, kan du søkja på dei neste emna:
Studieplanen finn du her: studieplan-prosjektledelse-kvalitetsstyring-og-hms_revidert_22012026.pdf
Trainee Ryfylke er eit program som koplar nyutdanna med arbeids-givarar i regionen. Gjennom eitt år i ei relevant bedrift får traineen verdifull erfaring og nettverk. Samtidig får verksemder tilgang til ny kompetanse og moglegheita til å rekruttere.
Me prøver å halde nettsidene våre så oppdaterte som mogleg, men viss du likevel lurer på noko er du velkommen til å ta direkte kontakt med oss. Me er eit team på fire personar som arbeider med utdanning i Ryfylke, og vil hjelpe deg så godt me kan!
Ryfylke utdanningssenter har kontorplass saman med Ryfylke IKS på Hjelmeland. Sjølve utdanningane har studiestad på ulike lokasjonar rundt om i regionen – sånn at det skal vere lett fordeg å ta utdanning.
Ja. Me tilbyr utdanning i samarbeid med arbeidslivet lokalt i Ryfylke for å dekke eit reelt behov for kompetanse. På den måten tilbyr me utdanning som er tilpassa arbeidsmarknaden i Ryfylke.
Våre tilbod passar for deg som treng kompetanseheving i ein eller annan forstand. Me har tilbod for deg som skal byrje på studielivet, men vel så viktig til deg som treng påfyll eller formalisering av kompetanse. Me er her for at Ryfylke skal vere ein plass å bu og arbeide – med rett kompetanse i botn.
Under utdanningssidene finn du informasjon om korleis du kan søke. Det varierer litt frå studie til studie, men hovudregelen er at du søker direkte hjå skulane. Me viser deg rett veg til søknaden!